jahān-e-rañg-o-bū par chhā rahā hai
har ik parde se vo jalva-numā hai

bashar Thokar pe Thokar khā rahā hai
sazā apne kiye kī pā rahā hai

tamannā aur phir un kī tamannā
ye irfān-e-ḳhudī kī intihā hai

butoñ ko dekh kar aatā hai tū yaad
butoñ ke husn meñ jalva tirā hai

kahīñ tū hai kahīñ tasvīr terī
na ka.aba hai na koī but-kada hai

tumhārī yaad kar letā huuñ taaza
butoñ ko kaun kāfir pūjtā hai

nahīñ chāra kisī ke paas is kā
mohabbat ek dard-e-lā-davā hai

sharāb-e-zīst piitā jā rahā huuñ
surūr-e-hosh baḌhtā jā rahā hai

jigar meñ chubh rahī hai nok-e-mizhgāñ
balā kā dard 'fāriġh' ho rahā hai

jahan-e-rang-o-bu par chha raha hai
har ek parde se wo jalwa-numa hai

bashar Thokar pe Thokar kha raha hai
saza apne kiye ki pa raha hai

tamanna aur phir un ki tamanna
ye irfan-e-KHudi ki intiha hai

buton ko dekh kar aata hai tu yaad
buton ke husn mein jalwa tera hai

kahin tu hai kahin taswir teri
na kaba hai na koi but-kada hai

tumhaari yaad kar leta hun taza
buton ko kaun kafir pujta hai

nahin chaara kisi ke pas is ka
mohabbat ek dard-e-la-dawa hai

sharab-e-zist pita ja raha hun
surur-e-hosh baDhta ja raha hai

jigar mein chubh rahi hai nok-e-mizhgan
bala ka dard 'farigh' ho raha hai

Source: Book : Ehsasat-e-Farigh Author : Laxmi Narayan Farigh Book : Ehsasat-e-Farigh (Pg. 15) Author : Laxmi Narayan Farigh