parindoñ se daraḳhtoñ se kahūñgā
maiñ terā pyaar phūloñ se kahūñgā

bichhaḌ kar jā rahī ho itnā socho
mirī jaañ kyā maiñ logoñ se kahūñgā

kaho us se ki vāpas lauT aa.e
maiñ dukhḌā apnā rastoñ se kahūñgā

uTho uTh kar uchhāleñ tāj-e-shāhī
pareshāñ-hāl bandoñ se kahūñgā

churā laa.eñ tirī ā.ankhoñ se nīndeñ
maiñ ḳhvābīda nigāhoñ se kahūñgā

'kañval' ko lā ke dafnā.eñ vatan meñ
vasiyyat meñ ye bachchoñ se kahūñgā

parindon se daraKHton se kahunga
main tera pyar phulon se kahunga

bichhaD kar ja rahi ho itna socho
meri jaan kya main logon se kahunga

kaho us se ki wapas lauT aae
main dukhDa apna raston se kahunga

uTho uTh kar uchhaalen taj-e-shahi
pareshan-haal bandon se kahunga

chura laen teri aaankhon se ninden
main KHwabida nigahon se kahunga

'kanwal' ko la ke dafnaen watan mein
wasiyyat mein ye bachchon se kahunga

Source: Book : Quarterly TASTEER Lahore (Pg. 153) Author : Naseer Ahmed Nasir Publication : Room No.-1,1st Floor, Awan Plaza, Shadman Market, Lahore (Issue No. 5,6 April To Sep. 1998) Edition : Issue No. 5,6 April To Sep. 1998