Subscribe to our newsletter and get our newest updates

Naeem Sarmad

  • Ghazal


KHuda se bhi kab koi furqat kaTi hai


ḳhudā se bhī kab koī furqat kaTī hai
shab-e-hijr shab se bhī pahle banī hai

maiñ ik ḳhvāb huuñ terā dekhā huā huuñ
tū ik niiñd hai mujh meñ soī paḌī hai

havas to nahīñ hai magar ye thī sach hai
mujhe tujh badan kī tamannā rahī hai

mujhe is se āzād kar dūsrī lā
ye zanjīr pairoñ meñ kam boltī hai

maiñ apne gunāhoñ pe nādim nahīñ huuñ
ye tauba to terī mohabbat meñ kī hai

KHuda se bhi kab koi furqat kaTi hai
shab-e-hijr shab se bhi pahle bani hai

main ek KHwab hun tera dekha hua hun
tu ek nind hai mujh mein soi paDi hai

hawas to nahin hai magar ye thi sach hai
mujhe tujh badan ki tamanna rahi hai

mujhe is se aazad kar dusri la
ye zanjir pairon mein kam bolti hai

main apne gunahon pe nadim nahin hun
ye tauba to teri mohabbat mein ki hai


Leave a comment

+