Subscribe to our newsletter and get our newest updates

Iliyas Babar Aawan

  • Ghazal


koi bhi KHush ho main apni KHushi samajhta hun


koī bhī ḳhush ho maiñ apnī ḳhushī samajhtā huuñ
maiñ zinda shaḳhs huuñ aur zindagī samajhtā huuñ

ka.ī to tum se bhī behtar mile haiñ log mujhe
magar kamī hai jo us ko kamī samajhtā huuñ

ye vo dikhātā hai jo raushnī dikhātī nahīñ
so maiñ añdhere ko bhī raushnī samajhtā huuñ

bahut sī chīzeñ haiñ jo merī had se bāhar haiñ
so jitnī had hai mirī maiñ vahī samajhtā huuñ

chalā to jā.egā lekin nishān chhoḌ ke yaar
agarche dukh ko bhī maiñ sarsarī samajhtā huuñ

koi bhi KHush ho main apni KHushi samajhta hun
main zinda shaKHs hun aur zindagi samajhta hun

kai to tum se bhi behtar mile hain log mujhe
magar kami hai jo us ko kami samajhta hun

ye wo dikhata hai jo raushni dikhati nahin
so main andhere ko bhi raushni samajhta hun

bahut si chizen hain jo meri had se bahar hain
so jitni had hai meri main wahi samajhta hun

chala to jaega lekin nishan chhoD ke yar
agarche dukh ko bhi main sarsari samajhta hun


Source: Funoon(Jadeed Ghazal Number: Volume-002)

Leave a comment

+