zabāñ sākit ho qat-e-guftugū ho
nazar hī se bayān-e-ārzū ho

jahāñ maiñ huuñ vahāñ par tū hī tū ho
jahāñ tū ho jahān-e-rañg-o-bū ho

shahīd-e-nāz yuuñ hī surḳh-rū ho
shafaq muñh par ho dāman par lahū ho

vafūr-e-yās o josh-e-ibtilā meñ
zabāñ par āyat-e-lā-taqnatū ho

jo rañg-e-gul se Tapkā hai chaman meñ
na merī hī tamannā kā lahū ho

harīm-ka.aba se bhī mohtaram hai
vo dil jis meñ ki terī aarzū ho

ma.āz-allāh pas-manzar chaman kā
na ai dil yuuñ asīr-e-rañg-o-bū ho

namāz-e-ishq kuchh āsāñ nahīñ hai
jigar ke ḳhuuñ se pahle to vuzū ho

huuñ ḳhār-e-rāh tak gulshan-ba-dāmāñ
agar tū hī ma.āl-e-justujū ho

'ġhubār'-e-ḳhasta us kūche se uTh kar
na kyuuñ āvāra har sū kū-ba-kū ho

zaban sakit ho qat-e-guftugu ho
nazar hi se bayan-e-arzu ho

jahan main hun wahan par tu hi tu ho
jahan tu ho jahan-e-rang-o-bu ho

shahid-e-naz yun hi surKH-ru ho
shafaq munh par ho daman par lahu ho

wafur-e-yas o josh-e-ibtila mein
zaban par aayat-e-la-taqnatu ho

jo rang-e-gul se Tapka hai chaman mein
na meri hi tamanna ka lahu ho

harim-kaba se bhi mohtaram hai
wo dil jis mein ki teri aarzu ho

maaz-allah pas-manzar chaman ka
na ai dil yun asir-e-rang-o-bu ho

namaz-e-ishq kuchh aasan nahin hai
jigar ke KHun se pahle to wuzu ho

hun KHar-e-rah tak gulshan-ba-daman
agar tu hi maal-e-justuju ho

'ghubar'-e-KHasta us kuche se uTh kar
na kyun aawara har su ku-ba-ku ho