jab se dilbar ne aañkh pherā hai
mujh ko daurān-e-sar ne gherā hai

kūcha-e-zulf nit añdherā hai
vahāñ siyah-baḳht dil kā Derā hai

vajd meñ haiñ divāne abr ko dekh
lailā-e-fasl-e-gul kā Derā hai

yakka āzād hai do aalam se
jo ki be-dām terā chīrā hai

gaal par hai kisī ke kaaT kā naqsh
muñh pe zulfeñ tabhī bikherā hai

nit bake hai ki bāolā 'uzlat'
ye na bolā kabhū ki merā hai

jab se dilbar ne aankh phera hai
mujh ko dauran-e-sar ne ghera hai

kucha-e-zulf nit andhera hai
wahan siyah-baKHt dil ka Dera hai

wajd mein hain diwane abr ko dekh
laila-e-fasl-e-gul ka Dera hai

yakka aazad hai do aalam se
jo ki be-dam tera chira hai

gal par hai kisi ke kaT ka naqsh
munh pe zulfen tabhi bikhera hai

nit bake hai ki baola 'uzlat'
ye na bola kabhu ki mera hai

Source: Book : Lahar Lahar (Pg. 19) Author : Balbir Rathee Publication : Kadambari Prakashan, Delhi (1993) Edition : 1993