Subscribe to our newsletter and get our newest updates

Bahadur Shah Zafar

  • Ghazal


pan kha kar surma ki tahrir phir khinchi to kya


paan khā kar surma kī tahrīr phir khīñchī to kyā
jab mirā ḳhuuñ ho chukā shamshīr phir khīñchī to kyā

ai muhavvis jab ki zar tere nasīboñ meñ nahīñ
tū ne mehnat bhī pai-e-iksīr phir khīñchī to kyā

gar khiñche siine se nāvak ruuh tū qālib se khīñch
ai ajal jab khiñch gayā vo tiir phir khīñchī to kyā

khīñchtā thā paañv merā pahle hī zanjīr se
ai junūñ tū ne mirī zanjīr phir khīñchī to kyā

daar hī par us ne khīñchā jab sar-e-bāzār-e-ishq
laash bhī merī pai-e-tashhīr phir khīñchī to kyā

khīñch ab naala koī aisā ki ho us ko asar
tū ne ai dil āh-e-pur-tāsīr phir khīñchī to kyā

chāhiye us kā tasavvur hī se naqsha khīñchnā
dekh kar tasvīr ko tasvīr phir khīñchī to kyā

khīñch le avval hī se dil kī inān-e-iḳhtiyār
tū ne gar ai āshiq-e-dil-gīr phir khīñchī to kyā

kyā huā aage uThā.e gar 'zafar' ehsān-e-aql
aur agar ab minnat-e-tadbīr phir khīñchī to kyā

pan kha kar surma ki tahrir phir khinchi to kya
jab mera KHun ho chuka shamshir phir khinchi to kya

ai muhawwis jab ki zar tere nasibon mein nahin
tu ne mehnat bhi pai-e-iksir phir khinchi to kya

gar khinche sine se nawak ruh tu qalib se khinch
ai ajal jab khinch gaya wo tir phir khinchi to kya

khinchta tha panw mera pahle hi zanjir se
ai junun tu ne meri zanjir phir khinchi to kya

dar hi par us ne khincha jab sar-e-bazar-e-ishq
lash bhi meri pai-e-tashhir phir khinchi to kya

khinch ab nala koi aisa ki ho us ko asar
tu ne ai dil aah-e-pur-tasir phir khinchi to kya

chahiye us ka tasawwur hi se naqsha khinchna
dekh kar taswir ko taswir phir khinchi to kya

khinch le awwal hi se dil ki inan-e-iKHtiyar
tu ne gar ai aashiq-e-dil-gir phir khinchi to kya

kya hua aage uThae gar 'zafar' ehsan-e-aql
aur agar ab minnat-e-tadbir phir khinchi to kya


Source: Book : Harf Harf Khowab (Pg. 113) Author : asi ramnagari Publication : Nasim Pathara Po. Moghalsarai (Varansi) (1992) Edition : 1992

Leave a comment

+