Subscribe to our newsletter and get our newest updates

Abdul Aziz Khalid

  • Ghazal


bhulon unhen kaise kaise kaise


bhūloñ unheñ kaise kaise kaise
vo lamhe jo tere saath guzre

hai rāh-numā jibillat un kī
be-his nahīñ mausamī parinde

ai dānish-var mafar nahīñ hai
iqrār-e-vajūd-e-kibriyā se

jaanā koī kārsāz bhī hai
TuuTe ban ban ke jab irāde

mehrāb umuud burj qauseñ
ras meñ Duube bhare bhare se

bahr-e-kāfūr meñ talātum
bhoñrā baiThā kañval ko chūse

chāk-e-ufqī harīm-e-zohra
rah rah ke madan tarañg jhalke

jhilmil jhilmil badan kā sonā
lahrā.eñ laTeñ kamar se nīche

kyā chāñd sī sūrateñ banā.īñ
qurbān ai niilī chhatrī vaale

bhulon unhen kaise kaise kaise
wo lamhe jo tere sath guzre

hai rah-numa jibillat un ki
be-his nahin mausami parinde

ai danish-war mafar nahin hai
iqrar-e-wajud-e-kibriya se

jaana koi karsaz bhi hai
TuTe ban ban ke jab irade

mehrab umud burj qausen
ras mein Dube bhare bhare se

bahr-e-kafur mein talatum
bhonra baiTha kanwal ko chuse

chaak-e-ufqi harim-e-zohra
rah rah ke madan tarang jhalke

jhilmil jhilmil badan ka sona
lahraen laTen kamar se niche

kya chand si suraten banain
qurban ai nili chhatri wale


Source: Book : meyaar (Pg. 375)

Leave a comment

+