Subscribe to our newsletter and get our newest updates

FaIyaz Rashk

  • Ghazal


taqat ke sare zor ko KHamosh kar diya


tāqat ke saare zor ko ḳhāmosh kar diyā
ḳhāmoshiyoñ ne shor ko ḳhāmosh kar diyā

jis Dor se nikaltī rahī pyaar kī sadā
zālim ne aise Dor ko ḳhāmosh kar diyā

sab kuchh to Thiik thā jo nazar paañv par paḌī
mastī meñ Duube mor ko ḳhāmosh kar diyā

vo bhiiḌ thī jo TuuT paḌī aur us jagah
hāthoñ meñ aa.e chor ko ḳhāmosh kar diyā

aksar yahī huā hai ki jismoñ kī aag ne
jismoñ ke por por ko ḳhāmosh kar diyā

ai dost mai se duur hī rahnā ki us ne to
kitne hī bāda-ḳhor ḳhāmosh kar diyā

'fayyāz' ham diyā nahīñ jis ko ki aap ne
shab-bhar jalāyā bhor ko ḳhāmosh kar diyā

taqat ke sare zor ko KHamosh kar diya
KHamoshiyon ne shor ko KHamosh kar diya

jis Dor se nikalti rahi pyar ki sada
zalim ne aise Dor ko KHamosh kar diya

sab kuchh to Thik tha jo nazar panw par paDi
masti mein Dube mor ko KHamosh kar diya

wo bhiD thi jo TuT paDi aur us jagah
hathon mein aae chor ko KHamosh kar diya

aksar yahi hua hai ki jismon ki aag ne
jismon ke por por ko KHamosh kar diya

ai dost mai se dur hi rahna ki us ne to
kitne hi baada-KHor KHamosh kar diya

'fayyaz' hum diya nahin jis ko ki aap ne
shab-bhar jalaya bhor ko KHamosh kar diya


Source:

Leave a comment

+