Subscribe to our newsletter and get our newest updates

Lala Madhav Ram Jauhar

  • Ghazal


tere ghar KHwab mein gaya tha ghair


tere ghar ḳhvāb meñ gayā thā ġhair
apnī āñkhoñ se ham ne dekhā hai

kis qadar hai mizāj meñ garmī
sho.ala hai aag hai bhabhūkā hai

ai buto ka.abe kā karo kuchh paas
dil na toḌo ye ghar ḳhudā kā hai

chup raho kyuuñ mizāj pūchhte ho
ham ji.eñ yā mareñ tumheñ kyā hai

us gul-e-tar ke aane se 'jauhar'
ḳhāna-e-dil tamām mahkā hai

tere ghar KHwab mein gaya tha ghair
apni aankhon se hum ne dekha hai

kis qadar hai mizaj mein garmi
shoala hai aag hai bhabhuka hai

ai buto kabe ka karo kuchh pas
dil na toDo ye ghar KHuda ka hai

chup raho kyun mizaj puchhte ho
hum jien ya maren tumhein kya hai

us gul-e-tar ke aane se 'jauhar'
KHana-e-dil tamam mahka hai


Source: Book : Intekhab Kalam Lala M.R Jauhar (Pg. 61)

Leave a comment

+