Subscribe to our newsletter and get our newest updates

Ummeed Fazli

  • Ghazal

zehn-o-dil mein kuchh na kuchh rishta bhi tha


zehn-o-dil meñ kuchh na kuchh rishta bhī thā
ai mohabbat maiñ kabhī yakjā bhī thā

mujh meñ ik mausam kabhī aisā na thā
aisā mausam jis meñ tū mahkā bhī thā

tujh se milne kis tarah ham aa.e haiñ
rāste meñ ḳhuun kā dariyā bhī thā

kaj-kulāhoñ par kahāñ mumkin sitam
haañ magar us ne mujhe chāhā bhī thā

aaj ḳhud sāya-talab hai vaqt se
ye vahī ghar hai ki jo saaya bhī thā

jaane kis sahrā-e-ġham meñ kho gayā
haa.e vo aañsū ki jo dariyā bhī thā

zehn-o-dil mein kuchh na kuchh rishta bhi tha
ai mohabbat main kabhi yakja bhi tha

mujh mein ek mausam kabhi aisa na tha
aisa mausam jis mein tu mahka bhi tha

tujh se milne kis tarah hum aae hain
raste mein KHun ka dariya bhi tha

kaj-kulahon par kahan mumkin sitam
han magar us ne mujhe chaha bhi tha

aaj KHud saya-talab hai waqt se
ye wahi ghar hai ki jo saya bhi tha

jaane kis sahra-e-gham mein kho gaya
hae wo aansu ki jo dariya bhi tha


Source: Book : Lahje ke Chiraag (Pg. 67) Author : Urooj Zaidi Publication : Irfan Zaidi, Rampur (1989) Edition : 1989

Leave a comment

+