kitnī rītoñ meñ dil uljhā rah gayā
baḌh ga.e ham aur zamāna rah gayā

ḳhatm kitnā kār-e-duniyā kar chale
aur kitnā kār-e-duniyā rah gayā

jal bujhe ghar aur fasīl-e-shahr par
raushnī kā shahr likkhā rah gayā

maiñ akelā thā sadā sun kar tum aa.e
dosto maiñ phir akelā rah gayā

chehra-posh ojhal hue bhaḌkā ke aag
aane vaalā ghar ko aatā rah gayā

hausla rakkho safar kā ham-raho
mat ye socho kyā luTā kyā rah gayā

mil ga.e armān miTTī meñ tamām
kūza-gar kuuze banātā rah gayā

kitni riton mein dil uljha rah gaya
baDh gae hum aur zamana rah gaya

KHatm kitna kar-e-duniya kar chale
aur kitna kar-e-duniya rah gaya

jal bujhe ghar aur fasil-e-shahr par
raushni ka shahr likkha rah gaya

main akela tha sada sun kar tum aae
dosto main phir akela rah gaya

chehra-posh ojhal hue bhaDka ke aag
aane wala ghar ko aata rah gaya

hausla rakkho safar ka ham-raho
mat ye socho kya luTa kya rah gaya

mil gae arman miTTi mein tamam
kuza-gar kuze banata rah gaya

Source: Book : Gunaah-e-sukhan (Pg. 69) Author : Kanti Mohan 'Soz' Publication : Kanti Mohan 'Soz' (1990) Edition : 1990