Subscribe to our newsletter and get our newest updates

Bakhsh Layalpuri

  • Ghazal


jo pi raha hai sada KHun be-gunahon ka


jo pī rahā hai sadā ḳhuun be-gunāhoñ kā
vo shaḳhs to hai numā.inda kaj-kulāhoñ kā

jise bhī chāhā salīb-e-sitam pe khīñch diyā
faqīh-e-shahr to qaa.il nahīñ gavāhoñ kā

ham ahl-e-dil haiñ sadāqat hamārā sheva hai
hameñ Darā na sakegā jalāl shāhoñ kā

har ek qadr ko rusvā.iyāñ milīñ in se
ajiib sā rahā kirdār-e-dīñ panāhoñ kā

mirī zamīn ko maqbūza tū zamīñ na samajh
ki TūTne ko hai afsūñ tirī sipāhoñ kā

abhī to azm-e-safar bhī kiyā na thā ham ne
ki jaag uTThā har ik zarra shāh-rāhoñ kā

jo pi raha hai sada KHun be-gunahon ka
wo shaKHs to hai numainda kaj-kulahon ka

jise bhi chaha salib-e-sitam pe khinch diya
faqih-e-shahr to qail nahin gawahon ka

hum ahl-e-dil hain sadaqat hamara shewa hai
hamein Dara na sakega jalal shahon ka

har ek qadr ko ruswaiyan milin in se
ajib sa raha kirdar-e-din panahon ka

meri zamin ko maqbuza tu zamin na samajh
ki TuTne ko hai afsun teri sipahon ka

abhi to azm-e-safar bhi kiya na tha hum ne
ki jag uTTha har ek zarra shah-rahon ka


Leave a comment

+