kuchh yaad nahīñ us ko ki kyā bhuul gayā hai
dil jaise ki jiine kī adā bhuul gayā hai

mausam ke badalte hī mizāj us kā bhī badlā
vo merī vafāoñ kā sila bhuul gayā hai

maiñ yaad huuñ jis shaḳhs ko siine se lagā.e
vo shaḳhs to ab naam mirā bhuul gayā hai

kānoñ pe hai bas ek sadā kā tirī pahra
har ek sadā us ke sivā bhuul gayā hai

bīmār ko us samt nahīñ fikr-e-mudāvā
us samt muālij bhī davā bhuul gayā hai

ma.alūm kareñ pūchh ke kuchh us se savālāt
kyā yaad hai us shaḳhs ko kyā bhuul gayā hai

qirtās ne har ek amal kar liyā mahfūz
mujrim hī magar apnī ḳhatā bhuul gayā hai

pādāsh meñ a.amāl kī nazroñ se girā kar
lagtā hai ki ab ham ko ḳhudā bhuul gayā hai

ilzām na do tum na.e shā.ir ko 'sa.īd' aaj
jo surḳhī-e-lab rañg-e-hinā bhuul gayā hai

kuchh yaad nahin us ko ki kya bhul gaya hai
dil jaise ki jine ki ada bhul gaya hai

mausam ke badalte hi mizaj us ka bhi badla
wo meri wafaon ka sila bhul gaya hai

main yaad hun jis shaKHs ko sine se lagae
wo shaKHs to ab nam mera bhul gaya hai

kanon pe hai bas ek sada ka teri pahra
har ek sada us ke siwa bhul gaya hai

bimar ko us samt nahin fikr-e-mudawa
us samt mualij bhi dawa bhul gaya hai

malum karen puchh ke kuchh us se sawalat
kya yaad hai us shaKHs ko kya bhul gaya hai

qirtas ne har ek amal kar liya mahfuz
mujrim hi magar apni KHata bhul gaya hai

padash mein aamal ki nazron se gira kar
lagta hai ki ab hum ko KHuda bhul gaya hai

ilzam na do tum nae shair ko 'said' aaj
jo surKHi-e-lab rang-e-hina bhul gaya hai

Source: Book : Yadgar-e-Dagh (Pg. 37) Author : Ahmed Nadiim Qasmii Publication : Malik Book Depo, Lahore (1984) Edition : 1984