Subscribe to our newsletter and get our newest updates

Mahshar Badayuni

  • Ghazal


KHud main zindan mein hun tirgi ke


ḳhud maiñ zindāñ meñ huuñ tīrgī ke
harf dūñgā yūñhī raushnī ke

maiñ ise kār-nāma kahūñgā
koī pahchān le dukh kisī ke

ḳhud bhī maiñ jal rahā huuñ jalā kar
tāq-e-jāñ meñ charāġh āgahī ke

mere asbāb nām-o-numū kyā
bas yahī bāñkpan sādgī ke

sab ġhubār apnī apnī havā meñ
us galī ke hoñ yā is galī ke

maut kā dar khulā kyā ki mujh par
saare dar khul ga.e zindagī ke

ham-rahī to bajā soch liije
rāste saḳht haiñ rāstī ke

KHud main zindan mein hun tirgi ke
harf dunga yunhi raushni ke

main ise kar-nama kahunga
koi pahchan le dukh kisi ke

KHud bhi main jal raha hun jala kar
taq-e-jaan mein charagh aagahi ke

mere asbab nam-o-numu kya
bas yahi bankpan sadgi ke

sab ghubar apni apni hawa mein
us gali ke hon ya is gali ke

maut ka dar khula kya ki mujh par
sare dar khul gae zindagi ke

ham-rahi to baja soch lije
raste saKHt hain rasti ke


Leave a comment

+