baara mahīne hijr ke guzre malāl meñ
lākhoñ hī rañj ham ne sahe ek saal meñ

laate nahīñ faqīr kisī ko ḳhayāl meñ
allāh vaale mast haiñ apne hī haal meñ

taklīf-e-qaid-e-zulf mire dil se pūchhiye
ḳhāliq kahīñ phañsā.en na machhlī ko jaal meñ

sun kar savāl-e-vasl vo 'jauhar' se kahte haiñ
kuchh baat ho to aa.e hamāre ḳhayāl meñ

bara mahine hijr ke guzre malal mein
lakhon hi ranj hum ne sahe ek sal mein

late nahin faqir kisi ko KHayal mein
allah wale mast hain apne hi haal mein

taklif-e-qaid-e-zulf mere dil se puchhiye
KHaliq kahin phansaen na machhli ko jal mein

sun kar sawal-e-wasl wo 'jauhar' se kahte hain
kuchh baat ho to aae hamare KHayal mein

Source: Book : Intekhab Kalam Lala M.R Jauhar (Pg. 33)