Subscribe to our newsletter and get our newest updates

Prem Kumar Nazar

  • Ghazal


ye kya gali hai jahan Darte Darte jate hain


ye kyā galī hai jahāñ Darte Darte jaate haiñ
guzarte bhī nahīñ lekin guzarte jaate haiñ

bas ab to aglā safar ḳhushkiyoñ kā aatā hai
hamārī raat ke dariyā utarte jaate haiñ

jahāñ meñ kuchh nahīñ hotā kisī ke karne se
ye log phir bhī koī kaam karte jaate haiñ

ye kaisā ham ko ishāra hai paar utarne kā
vo dekho lahroñ meñ kuchh haath ubharte jaate haiñ

tamām shahr to āshob-e-chashm kā hai shikār
na jaane kis ke liye ham sañvarte jaate haiñ

ajab nizām fanā o baqā kā hai ki jahāñ
vo jī uTheñge dobāra jo marte jaate haiñ

bharī haiñ dhund se saare nagar kī dahlīzeñ
nazar meñ jugnū hī jugnū utarte jaate haiñ

ye kya gali hai jahan Darte Darte jate hain
guzarte bhi nahin lekin guzarte jate hain

bas ab to agla safar KHushkiyon ka aata hai
hamari raat ke dariya utarte jate hain

jahan mein kuchh nahin hota kisi ke karne se
ye log phir bhi koi kaam karte jate hain

ye kaisa hum ko ishaara hai par utarne ka
wo dekho lahron mein kuchh hath ubharte jate hain

tamam shahr to aashob-e-chashm ka hai shikar
na jaane kis ke liye hum sanwarte jate hain

ajab nizam fana o baqa ka hai ki jahan
wo ji uThenge dobara jo marte jate hain

bhari hain dhund se sare nagar ki dahlizen
nazar mein jugnu hi jugnu utarte jate hain


Leave a comment

+