Subscribe to our newsletter and get our newest updates

Nadeem Bhabha

  • Ghazal


har ek sans pe dhaDka ki aaKHiri to nahin


har ek saañs pe dhaḌkā ki kahīñ āḳhirī to nahīñ
mile dobāra agar aisī zindagī to nahīñ

achānak aanā tumhārā aur is qadar chāhat
kahīñ ye dost mirī āḳhirī ḳhushī to nahīñ

to kyuuñ na tujh se tirī guftugū kī jaa.e
tire alāva yahāñ merā koī bhī to nahīñ

ham ahl-e-ishq baḌe vaz.a-dār hote haiñ
hamārī aañkh meñ dekho kahīñ namī to nahīñ

fasīleñ chāTne vaale mujhe batā.eñ 'nadīm'
kahīñ zamīn pe ye āḳhirī sadī to nahīñ

har ek sans pe dhaDka ki kahin aaKHiri to nahin
mile dobara agar aisi zindagi to nahin

achanak aana tumhaara aur is qadar chahat
kahin ye dost meri aaKHiri KHushi to nahin

to kyun na tujh se teri guftugu ki jae
tere alawa yahan mera koi bhi to nahin

hum ahl-e-ishq baDe waza-dar hote hain
hamari aankh mein dekho kahin nami to nahin

fasilen chaTne wale mujhe bataen 'nadim'
kahin zamin pe ye aaKHiri sadi to nahin


Source: Funoon(Jadeed Ghazal Number: Volume-002)

Leave a comment

+