Subscribe to our newsletter and get our newest updates

Jamal Owaisi

  • Ghazal


maine apni maut pe ek nauha likkha hai


maiñ ne apnī maut pe ik nauha likkhā hai
tum ko sunātā huuñ dekho kaisā lagtā hai

jism ko kar Daalā hai ḳhvāhish kā harkāra
chehre par masnūī vaqār sajā rakkhā hai

suunī kar Daalī hai bastī ḳhvāb-nagar kī
kal tak jo dariyā bahtā thā ḳhushk huā hai

hoñToñ se zanjīr-e-ḳhamoshī bāñdh rakhī hai
tāq-e-umīd pe dil kā charāġh bujhā rakkhā hai

niiñd se bojhal palkoñ par andesha-e-miTTī
kashtī-e-jāñ ke Dūbne kā lamha aayā hai

main ne apni maut pe ek nauha likkha hai
tum ko sunata hun dekho kaisa lagta hai

jism ko kar Dala hai KHwahish ka harkara
chehre par masnui waqar saja rakkha hai

suni kar Dali hai basti KHwab-nagar ki
kal tak jo dariya bahta tha KHushk hua hai

honTon se zanjir-e-KHamoshi bandh rakhi hai
taq-e-umid pe dil ka charagh bujha rakkha hai

nind se bojhal palkon par andesha-e-miTTi
kashti-e-jaan ke Dubne ka lamha aaya hai


Source: Rooh-e-Ghazal,Pachas Sala Intekhab

Leave a comment

+