Subscribe to our newsletter and get our newest updates

Om Krishn Rahat

  • Ghazal


maani lafzon ke piri mein kuchh shabab mein kuchh


ma.ānī lafzoñ ke piirī meñ kuchh shabāb meñ kuchh
aur us ke baare meñ likkhā nahīñ kitāb meñ kuchh

pahuñch ke dekhā to māñge kī raushnī ke sivā
falak ke tāroñ meñ kuchh hai na māhtāb meñ kuchh

har ek ghūñT meñ yaksāñ nahīñ thī talḳhi-e-mai
ki ghol dete haiñ hālāt bhī sharāb meñ kuchh

ka.ī gunāhoñ kā indirāj hī nahīñ miltā
kisī se bhuul huī hai mire hisāb meñ kuchh

hai terā aks ki mere ġhamoñ kā saayā hai
nazar to aatā hai paimāna-e-sharāb meñ kuchh

maani lafzon ke piri mein kuchh shabab mein kuchh
aur us ke bare mein likkha nahin kitab mein kuchh

pahunch ke dekha to mange ki raushni ke siwa
falak ke taron mein kuchh hai na mahtab mein kuchh

har ek ghunT mein yaksan nahin thi talKHi-e-mai
ki ghol dete hain haalat bhi sharab mein kuchh

kai gunahon ka indiraj hi nahin milta
kisi se bhul hui hai mere hisab mein kuchh

hai tera aks ki mere ghamon ka saya hai
nazar to aata hai paimana-e-sharab mein kuchh


Source: Deewan-e-Waleeullah Muhib

Leave a comment

+