Subscribe to our newsletter and get our newest updates

Naeem Zarrar Ahmad

  • Ghazal


jafa-e-ahd ka ilzam ulaT bhi sakta hun


jafā-e-ahd kā ilzām ulaT bhī saktā huuñ
use yaqīn na thā maiñ palaT bhī saktā huuñ

maiñ apne ishq meñ shāhīñ mizāj rakhtā huuñ
palaT to jaatā huuñ lekin jhapaT bhī saktā huuñ

junūñ meñ zulm kī gardan utaar letā huuñ
to ik nigāh-e-mohabbat meñ kaT bhī saktā huuñ

adū-e-shahr maiñ bārūd huuñ mohabbat kā
hadoñ se baat baḌhegī to phaT bhī saktā huuñ

bisāt-e-arz pe chāhūñ to phail jā.ūñ maiñ
ho ramz-e-yār to dil meñ simaT bhī saktā huuñ

jafa-e-ahd ka ilzam ulaT bhi sakta hun
use yaqin na tha main palaT bhi sakta hun

main apne ishq mein shahin mizaj rakhta hun
palaT to jata hun lekin jhapaT bhi sakta hun

junun mein zulm ki gardan utar leta hun
to ek nigah-e-mohabbat mein kaT bhi sakta hun

adu-e-shahr main barud hun mohabbat ka
hadon se baat baDhegi to phaT bhi sakta hun

bisat-e-arz pe chahun to phail jaun main
ho ramz-e-yar to dil mein simaT bhi sakta hun


Source: Book : siip (Magzin) (Pg. 260) Author : Nasiim Durraani Publication : Fikr-e-Nau (39 (Quarterly) ) Edition : 39 (Quarterly)

Leave a comment

+