Subscribe to our newsletter and get our newest updates

Bashir Mehtaab

  • Ghazal


aaj-kal ke shabab dekhe hain


āj-kal ke shabāb dekhe haiñ
saare ḳhāna-ḳharāb dekhe haiñ

phuul jaise husain chehre bhī
haa.e sahte azaab dekhe haiñ

ishq kī raah meñ vo luTte hue
ham ne lākhoñ janāb dekhe haiñ

hai ye ulfat bhī kyā balā sāhab
is meñ jhukte navāb dekhe haiñ

ek ik pal ko yaad rakhte the
vo tumhāre hisāb dekhe haiñ

tum haTā do ye apne chehre se
ham ne kaafī naqāb dekhe haiñ

pahle mohsin the phir bane zālim
log aise itaab dekhe haiñ

jis pe mahtāb tum rahe marte
ab vo hote sarāb dekhe haiñ

aaj-kal ke shabab dekhe hain
sare KHana-KHarab dekhe hain

phul jaise husain chehre bhi
hae sahte azab dekhe hain

ishq ki rah mein wo luTte hue
hum ne lakhon janab dekhe hain

hai ye ulfat bhi kya bala sahab
is mein jhukte nawab dekhe hain

ek ek pal ko yaad rakhte the
wo tumhaare hisab dekhe hain

tum haTa do ye apne chehre se
hum ne kafi naqab dekhe hain

pahle mohsin the phir bane zalim
log aise itab dekhe hain

jis pe mahtab tum rahe marte
ab wo hote sarab dekhe hain


Leave a comment

+