sar uThā ke mat chaliye aaj ke zamāne meñ
jaan jaatī rahtī hai hausla dikhāne meñ

kis se haq talab kiije bevafā zamāne meñ
hoñTh suukh jaate haiñ hāl-e-dil sunāne meñ

haath kī lakīroñ se faisle nahīñ hote
azm kā bhī hissa hai zindagī banāne meñ

kho ga.e kahāñ mere e.atibār ke rishte
kis ne bo diye kāñTe phuul se gharāne meñ

manziloñ kī bāteñ to ḳhvāb jaisī bāteñ haiñ
umr biit jaatī hai rāsta banāne meñ

ai 'bashar' mirī āñkheñ jugnuoñ kī aadī thiiñ
kis ne bijliyāñ rakh diiñ mere āshiyāne meñ

sar uTha ke mat chaliye aaj ke zamane mein
jaan jati rahti hai hausla dikhane mein

kis se haq talab kije bewafa zamane mein
honTh sukh jate hain haal-e-dil sunane mein

hath ki lakiron se faisle nahin hote
azm ka bhi hissa hai zindagi banane mein

kho gae kahan mere eatibar ke rishte
kis ne bo diye kanTe phul se gharane mein

manzilon ki baaten to KHwab jaisi baaten hain
umr bit jati hai rasta banane mein

ai 'bashar' meri aankhen jugnuon ki aadi thin
kis ne bijliyan rakh din mere aashiyane mein