sar-burīda huā muqābil hai
sab kī āñkhoñ meñ ḳhauf shāmil hai

thā muhāfiz kabhī yahī insāñ
aaj insāniyat kā qātil hai

bastiyāñ phūñknā jalānā ghar
kyā yahī aadmī kā hāmil hai

vaqt kab us kā saath detā hai
roz fardā se jo ki ġhāfil hai

jis ne baḳhshā thā zindagī ko faroġh
ab vo dahshat-garoñ meñ shāmil hai

sar-burida hua muqabil hai
sab ki aankhon mein KHauf shamil hai

tha muhafiz kabhi yahi insan
aaj insaniyat ka qatil hai

bastiyan phunkna jalana ghar
kya yahi aadmi ka hamil hai

waqt kab us ka sath deta hai
roz farda se jo ki ghafil hai

jis ne baKHsha tha zindagi ko farogh
ab wo dahshat-garon mein shamil hai