Subscribe to our newsletter and get our newest updates

Faiz rahil Khan

  • Ghazal


subh likhti hai tera nam meri aankhon mein


sub.h likhtī hai tirā naam mirī āñkhoñ meñ
qaid tanhā.ī kī hai shaam merī āñkhoñ meñ

niiñd aatī hai duā de ke chalī jaatī hai
ashk jab kartā hai ārām mirī āñkhoñ meñ

ab tire naqsh-e-kaf-e-pā ko miTāne ḳhushbū
aa.ī hai gardish-e-ayyām mirī āñkhoñ meñ

do qadam saath chale tab to batā.ūñ us ko
hai tirī manzil-e-gum-nām mirī āñkhoñ meñ

tujh ko auroñ se chhupāyā hai hamesha lekin
saaf dikhātā hai tirā naam mirī āñkhoñ meñ

phir se āġhāz-e-mohabbat maiñ karūñ to kaise
qaid haiñ ishq ke anjām mirī āñkhoñ meñ

subh likhti hai tera nam meri aankhon mein
qaid tanhai ki hai sham meri aankhon mein

nind aati hai dua de ke chali jati hai
ashk jab karta hai aaram meri aankhon mein

ab tere naqsh-e-kaf-e-pa ko miTane KHushbu
aai hai gardish-e-ayyam meri aankhon mein

do qadam sath chale tab to bataun us ko
hai teri manzil-e-gum-nam meri aankhon mein

tujh ko auron se chhupaya hai hamesha lekin
saf dikhata hai tera nam meri aankhon mein

phir se aaghaz-e-mohabbat main karun to kaise
qaid hain ishq ke anjam meri aankhon mein


Source: Book : TO MAIN KAHAN HOON (POETRY) (Pg. 32) Author : Badr Wasti Publication : Madhya Pradesh Urdu Academy (2010) Edition : 2010

Leave a comment

+