Subscribe to our newsletter and get our newest updates

zafar iqbal zafar

  • Ghazal


dil-o-nigah ko viran kar diya maine


dil-o-nigāh ko vīrān kar diyā maiñ ne
shikast-e-ḳhvāb kā elaan kar diyā maiñ ne

jo tiir aa.e the us kī taraf se siine par
sajā ke zaḳhmoñ kā gul-dān kar diyā maiñ ne

ġhamoñ kā taaj mire sar pe jab se rakkhā hai
ḳhud apne aap ko sultān kar diyā maiñ ne

na koī phuul hī rakhā na aarzū na charāġh
tamām ghar ko bayābān kar diyā maiñ ne

vo chāhtā thā ki sab kuchh luTā ke zinda rahūñ
lo aaj puurā ye armān kar diyā maiñ ne

maiñ zad pe tīroñ ke ḳhud aa gayā huuñ aaj 'zafar'
tire nishāne ko āsān kar diyā maiñ ne

dil-o-nigah ko viran kar diya main ne
shikast-e-KHwab ka elan kar diya main ne

jo tir aae the us ki taraf se sine par
saja ke zaKHmon ka gul-dan kar diya main ne

ghamon ka taj mere sar pe jab se rakkha hai
KHud apne aap ko sultan kar diya main ne

na koi phul hi rakha na aarzu na charagh
tamam ghar ko bayaban kar diya main ne

wo chahta tha ki sab kuchh luTa ke zinda rahun
lo aaj pura ye arman kar diya main ne

main zad pe tiron ke KHud aa gaya hun aaj 'zafar'
tere nishane ko aasan kar diya main ne


Leave a comment

+