Subscribe to our newsletter and get our newest updates

Jahan Ara Tabassum

  • Ghazal


nind meri hai KHwab logon ke


niiñd merī hai ḳhvāb logoñ ke
haiñ mire sar azaab logoñ ke

muflisī ke khañDar se ai mire dil
chal nikāleñ shabāb logoñ ke

gulsitāñ ko lahū se sīñchūñgī
tab khileñge gulāb logoñ ke

apnī qismat meñ TuuTe taare haiñ
māhtāb āftāb logoñ ke

ik taraf iltifāt hai terā
ik taraf iztirāb logoñ ke

yūñhī pahuñchī nahīñ maiñ daar talak
maiñ ne ulTe naqāb logoñ ke

apnī apnī haiñ dars-gāheñ yahāñ
apne apne nisāb logoñ ke

nind meri hai KHwab logon ke
hain mere sar azab logon ke

muflisi ke khanDar se ai mere dil
chal nikalen shabab logon ke

gulsitan ko lahu se sinchungi
tab khilenge gulab logon ke

apni qismat mein TuTe tare hain
mahtab aaftab logon ke

ek taraf iltifat hai tera
ek taraf iztirab logon ke

yunhi pahunchi nahin main dar talak
main ne ulTe naqab logon ke

apni apni hain dars-gahen yahan
apne apne nisab logon ke


Leave a comment

+