Subscribe to our newsletter and get our newest updates

P P Srivastava Rind

  • Ghazal


mamta-bhari nigah ne roka to Dar laga


mamtā bharī nigāh ne rokā to Dar lagā
jab bhī shikār ziin se bāñdhā to Dar lagā

tanhā fasīl-e-shahr pe baiThī huī thī shaam
jab dhuñdlakoñ ne shor machāyā to Dar lagā

apne saroñ pe pagḌiyāñ bāñdhe hue the lafz
mazmūn jab nayā koī bāñdhā to Dar lagā

bujhte hue alaao meñ ātish-fishāñ bhī the
kohrām ratjagoñ ne machāyā to Dar lagā

ab daldalī zamīn bhī to ham-safar nahīñ
dasht-e-sarāb-e-sañg se guzrā to Dar lagā

vīrān sā.atoñ ke the ye āḳhirī nuqūsh
be-samtiyoñ ne ham ko batāyā to Dar lagā

āsūdgī ne thapkiyāñ de kar sulā diyā
ghar kī zarūratoñ ne jagāyā to Dar lagā

ai 'rind' uljhanoñ sī rahī be-karāñ sī soch
fikr-e-suḳhan meñ dard jo ubhrā to Dar lagā

mamta bhari nigah ne roka to Dar laga
jab bhi shikar zin se bandha to Dar laga

tanha fasil-e-shahr pe baiThi hui thi sham
jab dhundlakon ne shor machaya to Dar laga

apne saron pe pagDiyan bandhe hue the lafz
mazmun jab naya koi bandha to Dar laga

bujhte hue alao mein aatish-fishan bhi the
kohram ratjagon ne machaya to Dar laga

ab daldali zamin bhi to ham-safar nahin
dasht-e-sarab-e-sang se guzra to Dar laga

viran saaton ke the ye aaKHiri nuqush
be-samtiyon ne hum ko bataya to Dar laga

aasudgi ne thapkiyan de kar sula diya
ghar ki zaruraton ne jagaya to Dar laga

ai 'rind' uljhanon si rahi be-karan si soch
fikr-e-suKHan mein dard jo ubhra to Dar laga

Videos
This video is playing from YouTube Videos
This video is playing from YouTube P P Srivastava Rind RECITATIONS P P Srivastava Rind



00:00/00:00 mamta-bhari nigah ne roka to Dar laga P P Srivastava Rind

Leave a comment

+