Subscribe to our newsletter and get our newest updates

Jaleel Manikpuri

  • Ghazal

ab kaun phir ke jae teri jalwa-gah se


ab kaun phir ke jaa.e tirī jalva-gāh se
o shoḳh chashm phūñk de barq-e-nigāh se

kis shaan se chalā hai mirā shahsavār-e-husn
fitne pukārte haiñ zarā haT ke raah se

jhapkī palak tū barq falak se zamīñ pe thī
sambhlā na koī gir ke tumhārī nigāh se

dilchasp ho ga.ī tire chalne se rahguzar
uTh uTh ke gard-e-rāh lipaTtī hai raah se

mīzāñ khaḌī huī mire aage na roz-e-hashr
dabnā paḌā use mire bār-e-gunāh se

dekho phir aise dekhne vaale na pāoge
kyuuñ ḳhaak meñ milāte ho nīchī nigāh se

ā.īne aarsī to faqat dekhne ke haiñ
dekho tum apne husn ko merī nigāh se

kasrat se mai jo pī hai nazar hai ma.aal par
ra.asha nahīñ hai kaañp rahā huuñ gunāh se

paayā buland kyuuñ na hamārā ho ai 'jalīl'
paayā hai faiz amīr-e-suḳhan dastgāh se

ab kaun phir ke jae teri jalwa-gah se
o shoKH chashm phunk de barq-e-nigah se

kis shan se chala hai mera shahsawar-e-husn
fitne pukarte hain zara haT ke rah se

jhapki palak tu barq falak se zamin pe thi
sambhla na koi gir ke tumhaari nigah se

dilchasp ho gai tere chalne se rahguzar
uTh uTh ke gard-e-rah lipaTti hai rah se

mizan khaDi hui mere aage na roz-e-hashr
dabna paDa use mere bar-e-gunah se

dekho phir aise dekhne wale na paoge
kyun KHak mein milate ho nichi nigah se

aaine aarsi to faqat dekhne ke hain
dekho tum apne husn ko meri nigah se

kasrat se mai jo pi hai nazar hai maal par
rasha nahin hai kanp raha hun gunah se

paya buland kyun na hamara ho ai 'jalil'
paya hai faiz amir-e-suKHan dastgah se


Source: Book : Veeran sarai ka diya (Pg. 153)

Leave a comment

+