Subscribe to our newsletter and get our newest updates

Vasaf Basit

  • Ghazal

ek taswir jo tashkil nahin ho pai


ek tasvīr jo tashkīl nahīñ ho paa.ī
canvas par kabhī takmīl nahīñ ho paa.ī

ye jo ik bhiiḌ hai ye bhiiḌ kī baḌī muddat se
merī tanhā.ī meñ tahlīl nahīñ ho paa.ī

tīrgī ne koī ta.avīz kiyā hai shāyad
is liye raushnī tarsīl nahīñ ho paa.ī

maiñ ne har lafz nibhāyā thā baḌī shiddat se
par mirī shā.irī injīl nahīñ ho paa.ī

saarā sāmān thā maujūd merī gaThrī meñ
haañ magar haath meñ qindīl nahīñ ho paa.ī

phir kisī raat vo kohsār pe baiThā bolā
chāñdnī-rāt kī tamsīl nahīñ ho paa.ī

kis tarah maiñ unheñ mahfūz rakhūñgā 'bāsit'
ḳhvāhishoñ kī koī zambīl nahīñ ho paa.ī

ek taswir jo tashkil nahin ho pai
canwas par kabhi takmil nahin ho pai

ye jo ek bhiD hai ye bhiD ki baDi muddat se
meri tanhai mein tahlil nahin ho pai

tirgi ne koi tawiz kiya hai shayad
is liye raushni tarsil nahin ho pai

main ne har lafz nibhaya tha baDi shiddat se
par meri shairi injil nahin ho pai

sara saman tha maujud meri gaThri mein
han magar hath mein qindil nahin ho pai

phir kisi raat wo kohsar pe baiTha bola
chandni-raat ki tamsil nahin ho pai

kis tarah main unhen mahfuz rakhunga 'basit'
KHwahishon ki koi zambil nahin ho pai


Leave a comment

+