aao baiTho hañso mazā ho
kuchh to farmāo kyuuñ ḳhafā ho

lau sham.a kī bujhne ko hai ai gul
mahfil meñ na koī dil jalā ho

dil kā dukhnā usī se kahiye
jo dard kī qadr jāntā ho

shīsha talvoñ meñ chubh na jaa.e
Thukrāte ho dil ko kaj-kulāho

bahkī bahkī hoñ us kī bāteñ
saaqī saaqī pukārtā ho

ujlī ujlī sī chāñdnī meñ
gorā gorā badan khulā ho

aao baiTho hanso maza ho
kuchh to farmao kyun KHafa ho

lau shama ki bujhne ko hai ai gul
mahfil mein na koi dil jala ho

dil ka dukhna usi se kahiye
jo dard ki qadr jaanta ho

shisha talwon mein chubh na jae
Thukraate ho dil ko kaj-kulaho

bahki bahki hon us ki baaten
saqi saqi pukarta ho

ujli ujli si chandni mein
gora gora badan khula ho

Source: Book : Intekhab Kalam Lala M.R Jauhar (Pg. 46)