Subscribe to our newsletter and get our newest updates

Karrar Noori

  • Ghazal


har-gam tajrabaat ke pahlu badal gae


har-gām tajrabāt ke pahlū badal ga.e
logoñ ko aazmā ke ham aage nikal ga.e

ham ko to ek lamha ḳhushī kā na mil sakā
kyā log the jo ziist ke sāñche meñ Dhal ga.e

kyā kyā taġhayyurāt ne duniyā dikhā.ī hai
mahsūs ye huā ki bas ab ke sambhal ga.e

ham zindagī kī jehd-e-musalsal ke vāste
maujoñ kī tarah sīna-e-tūfāñ meñ Dhal ga.e

jab bhī koī fareb diyā ahl-e-dahr ne
ham ik nazar-shanās koī chaal chal ga.e

haavī hue fasāne haqīqat pe is tarah
tārīḳh zindagī ke havāle badal ga.e

ham ne lachak na khaa.ī zamāne kī zarb se
go hādsāt-e-dahr kī rau meñ kuchal ga.e

'nūrī' kabhī jo yaas ne Tokā hameñ kahīñ
ham dāman-e-hayāt pakaḌ kar machal ga.e

har-gam tajrabaat ke pahlu badal gae
logon ko aazma ke hum aage nikal gae

hum ko to ek lamha KHushi ka na mil saka
kya log the jo zist ke sanche mein Dhal gae

kya kya taghayyuraat ne duniya dikhai hai
mahsus ye hua ki bas ab ke sambhal gae

hum zindagi ki jehd-e-musalsal ke waste
maujon ki tarah sina-e-tufan mein Dhal gae

jab bhi koi fareb diya ahl-e-dahr ne
hum ek nazar-shanas koi chaal chal gae

hawi hue fasane haqiqat pe is tarah
tariKH zindagi ke hawale badal gae

hum ne lachak na khai zamane ki zarb se
go hadsat-e-dahr ki rau mein kuchal gae

'nuri' kabhi jo yas ne Toka hamein kahin
hum daman-e-hayat pakaD kar machal gae


Source: Book : Meri Gazal (Pg. 111) Author : karar Noori Publication : Rooh-e-Asar (Ishaat Ghar) (1983) Edition : 1983

Leave a comment

+