Subscribe to our newsletter and get our newest updates

Kamran Nadeem

  • Ghazal


kisi wahshat mein phir aabaad hona chahta hun


kisī vahshat meñ phir ābād honā chāhtā huuñ
maiñ us kī qaid se āzād honā chāhtā huuñ

purānī shakl sūrat gar malāmat ban ga.ī hai
na.ī miTTī se phir ījād honā chāhtā huuñ

kisī ke hijr meñ hairat-kade ābād dekhūñ
kisī ke vasl meñ barbād honā chāhtā huuñ

use bhī apnī bāñhoñ meñ taḌaptā dekhnā hai
maiñ us kā said thā sayyād honā chāhtā huuñ

usī ḳhushbū se phir ham-ḳhvāb hone kī havas hai
usī ḳhush-vasl se dil-shād honā chāhtā huuñ

ab apnī zaat ke zindāñ meñ bhī dam ghuT rahā hai
koī dam ḳhud se bhī āzād honā chāhtā huuñ

kisi wahshat mein phir aabaad hona chahta hun
main us ki qaid se aazad hona chahta hun

purani shakl surat gar malamat ban gai hai
nai miTTi se phir ijad hona chahta hun

kisi ke hijr mein hairat-kade aabaad dekhun
kisi ke wasl mein barbaad hona chahta hun

use bhi apni banhon mein taDapta dekhna hai
main us ka said tha sayyaad hona chahta hun

usi KHushbu se phir ham-KHwab hone ki hawas hai
usi KHush-wasl se dil-shad hona chahta hun

ab apni zat ke zindan mein bhi dam ghuT raha hai
koi dam KHud se bhi aazad hona chahta hun


Source: Vahshat Hi Sahi

Leave a comment

+