Warning: session_start(): open(/tmp/sess_8dslu7c1kan1uopq25qkrkd135, O_RDWR) failed: No space left on device (28) in /razi/eraazi/darbari/chunmun/index.php on line 15
tere mere ghar ki haalat bahar kuchh aur andar kuchh

Subscribe to our newsletter and get our newest updates

Kalim Akhtar

  • Ghazal


tere mere ghar ki haalat bahar kuchh aur andar kuchh


tere mere ghar kī hālat bāhar kuchh aur andar kuchh
jaise ho phūloñ kī rañgat bāhar kuchh aur andar kuchh

bāhar bāhar ḳhāmoshī hai andar andar hañgāma
kaisī hai ye jism kī hiddat bāhar kuchh aur andar kuchh

lafz hai kuchh aur ma.anī kuchh har misre meñ fankār hai ġham
aise vaise sher kī lazzat bāhar kuchh aur andar kuchh

kyuuñ na aañkh meñ aañsū aa.e kyuuñ na dil ko choT lage
apne apne des kī hālat bāhar kuchh aur andar kuchh

koī na shāyad jaan sakegā sūraj kī matvālī chaal
shahr meñ kyuuñ hai dhuup kī shiddat bāhar kuchh aur andar kuchh

gahrī nazar vāloñ meñ 'aḳhtar' raushan hai pahchān alag
phir bhī kyuuñ hai aap kī izzat bāhar kuchh aur andar kuchh

tere mere ghar ki haalat bahar kuchh aur andar kuchh
jaise ho phulon ki rangat bahar kuchh aur andar kuchh

bahar bahar KHamoshi hai andar andar hangama
kaisi hai ye jism ki hiddat bahar kuchh aur andar kuchh

lafz hai kuchh aur mani kuchh har misre mein fankar hai gham
aise waise sher ki lazzat bahar kuchh aur andar kuchh

kyun na aankh mein aansu aae kyun na dil ko choT lage
apne apne des ki haalat bahar kuchh aur andar kuchh

koi na shayad jaan sakega suraj ki matwali chaal
shahr mein kyun hai dhup ki shiddat bahar kuchh aur andar kuchh

gahri nazar walon mein 'aKHtar' raushan hai pahchan alag
phir bhi kyun hai aap ki izzat bahar kuchh aur andar kuchh


Source: Book : Khayal aab (Pg. 51) Author : kalim Akhtar Publication : Bazm-e-magadh (2007) Edition : 2007

Leave a comment

+