Subscribe to our newsletter and get our newest updates

Zafar Iqbal

  • Ghazal


pariyon aisa rup hai jis ka laDkon aisa nanw


pariyoñ aisā ruup hai jis kā laḌkoñ aisā naañv
saare dhande chhoḌ-chhāḌ ke chaliye us ke gaañv

pakkī saḌkoñ vaale shahr meñ kis se milne jaa.eñ
haule se bhī paañv paḌe to baj uThtī haiñ khaḌāñv

aate haiñ khultā darvāza dekh ke ruk jaate haiñ
dil par naqsh biThā jaate haiñ yahī ThiTakte paañv

pyāsā kavvā jañgal ke chashme meñ Duub marā
dīvāna kar detī hai peḌoñ kī mahaktī chhāñv

abhī na.ī baazī hogī phir se pattā Dāleñge
koī baat nahīñ jo haar ga.e haiñ pahlā daañv

pariyon aisa rup hai jis ka laDkon aisa nanw
sare dhande chhoD-chhaD ke chaliye us ke ganw

pakki saDkon wale shahr mein kis se milne jaen
haule se bhi panw paDe to baj uThti hain khaDanw

aate hain khulta darwaza dekh ke ruk jate hain
dil par naqsh biTha jate hain yahi ThiTakte panw

pyasa kawwa jangal ke chashme mein Dub mara
diwana kar deti hai peDon ki mahakti chhanw

abhi nai bazi hogi phir se patta Dalenge
koi baat nahin jo haar gae hain pahla danw


Source: Book : intekhab-e-zarrin (Pg. 358) Author : Khvaja Mohammad Zakariya Publication : Sangeet publication (2009) Edition : 2009

Leave a comment

+