Subscribe to our newsletter and get our newest updates

Kaleem Aajiz

  • Ghazal


kis tarah koi dhup mein pighle hai jale hai


kis tarah koī dhuup meñ pighle hai jale hai
ye baat vo kyā jaane jo saa.e meñ pale hai

dil dard kī bhaTTī meñ ka.ī baar jale hai
tab ek ġhazal husn ke sāñche meñ Dhale hai

kyā dil hai ki ik saañs bhī ārām na le hai
mahfil se jo nikle hai to ḳhalvat meñ jale hai

bhūlī huī yaad aa ke kaleje ko male hai
jab shaam guzar jaa.e hai jab raat Dhale hai

haañ dekh zarā kyā tire qadmoñ ke tale hai
Thokar bhī vo khaa.e hai jo itrā ke chale hai

kis tarah koi dhup mein pighle hai jale hai
ye baat wo kya jaane jo sae mein pale hai

dil dard ki bhaTTi mein kai bar jale hai
tab ek ghazal husn ke sanche mein Dhale hai

kya dil hai ki ek sans bhi aaram na le hai
mahfil se jo nikle hai to KHalwat mein jale hai

bhuli hui yaad aa ke kaleje ko male hai
jab sham guzar jae hai jab raat Dhale hai

han dekh zara kya tere qadmon ke tale hai
Thokar bhi wo khae hai jo itra ke chale hai


Leave a comment

+