jab bhī Duube hue sūraj ne ubharnā chāhā
shahr vāloñ ne bhī galiyoñ meñ bikharnā chāhā

aaj kāñToñ se ulajhtā hai garebāñ us kā
jis ne sabze pe kabhī paañv na dharnā chāhā

ho ga.iiñ sūrat-e-dīvār havā.eñ haa.el
jab kisī ashk ne dāman pe utarnā chāhā

chāñdnī-shab thī ki maiñ thā ki havā ke saa.e
har kisī ne tire kūche meñ Thaharnā chāhā

le gayā 'kaif' salīboñ ko uThā kar koī
ġham ke māroñ ne kisī vaqt jo marnā chāhā

jab bhi Dube hue suraj ne ubharna chaha
shahr walon ne bhi galiyon mein bikharna chaha

aaj kanTon se ulajhta hai gareban us ka
jis ne sabze pe kabhi panw na dharna chaha

ho gain surat-e-diwar hawaen hael
jab kisi ashk ne daman pe utarna chaha

chandni-shab thi ki main tha ki hawa ke sae
har kisi ne tere kuche mein Thaharna chaha

le gaya 'kaif' salibon ko uTha kar koi
gham ke maron ne kisi waqt jo marna chaha

Source: Ham Qalam (Monthly)Vol. No. 05 Issue 4/5