Warning: session_start(): open(/tmp/sess_a1rcnhlud380q5aqa89djul542, O_RDWR) failed: No space left on device (28) in /razi/eraazi/darbari/chunmun/index.php on line 15
sukun thoDa sa paya dhup ke ThanDe makanon mein

Subscribe to our newsletter and get our newest updates

Kafeel Aazar Amrohvi

  • Ghazal


sukun thoDa sa paya dhup ke ThanDe makanon mein


sukūñ thoḌā sā paayā dhuup ke ThanDe makānoñ meñ
bahut jalne lagā thā jism barfīlī chaTānoñ meñ

kab aaoge ye ghar ne mujh se chalte vaqt pūchhā thā
yahī āvāz ab tak gūñjtī hai mere kānoñ meñ

janāza merī tanhā.ī kā le kar log jab nikle
maiñ ḳhud shāmil thā apnī zindagī ke nauha-ḳhvānoñ meñ

mirī mahrūmiyāñ jab pattharoñ ke shahr se guzrīñ
chhupāyā sar tirī yādoñ ke TuuTe sā.ebānoñ meñ

mujhe merī anā ke ḳhanjaroñ ne qatl kar Daalā
bahāna ye bhī ik bechārgī kā thā bahānoñ meñ

tamāsha ham bhī apnī bebasī kā dekh lete haiñ
tirī yādoñ ke phūloñ ko sajā kar phūl-dānoñ meñ

zamīñ pairoñ ke chhāle roz chun letī hai palkoñ se
taḳhayyul roz le uḌtā hai mujh ko āsmānoñ meñ

maiñ apne-āp se har dam ḳhafā rahtā huuñ yuuñ 'āzar'
purānī dushmanī ho jis tarah do ḳhāndānoñ meñ

sukun thoDa sa paya dhup ke ThanDe makanon mein
bahut jalne laga tha jism barfili chaTanon mein

kab aaoge ye ghar ne mujh se chalte waqt puchha tha
yahi aawaz ab tak gunjti hai mere kanon mein

janaza meri tanhai ka le kar log jab nikle
main KHud shamil tha apni zindagi ke nauha-KHwanon mein

meri mahrumiyan jab pattharon ke shahr se guzrin
chhupaya sar teri yaadon ke TuTe saebanon mein

mujhe meri ana ke KHanjaron ne qatl kar Dala
bahana ye bhi ek bechaargi ka tha bahanon mein

tamasha hum bhi apni bebasi ka dekh lete hain
teri yaadon ke phulon ko saja kar phul-danon mein

zamin pairon ke chhaale roz chun leti hai palkon se
taKHayyul roz le uDta hai mujh ko aasmanon mein

main apne-ap se har dam KHafa rahta hun yun 'azar'
purani dushmani ho jis tarah do KHandanon mein


Source: Book : Dhoop Ka Dareecha (Pg. 86)

Leave a comment

+