udāsī kā samundar dekh lenā
mirī āñkhoñ meñ aa kar dekh lenā

hamāre hijr kī tamhīd kyā thī
mirī yādoñ kā daftar dekh lenā

tasavvur ke laboñ se chuum lūñgā
tirī yādoñ ke patthar dekh lenā

nujūmī ne ye kī hai pesh-goī
rulā.egā muqaddar dekh lenā

na rakhnā vāsta tum mujh se lekin
mirī hijrat kā manzar dekh lenā

tamannā hai agar milne kī mujh se
mujhe mere hī andar dekh lenā

makāñ shīshe kā banvāte ho 'āzar'
bahut ā.eñge patthar dekh lenā

udasi ka samundar dekh lena
meri aankhon mein aa kar dekh lena

hamare hijr ki tamhid kya thi
meri yaadon ka daftar dekh lena

tasawwur ke labon se chum lunga
teri yaadon ke patthar dekh lena

nujumi ne ye ki hai pesh-goi
rulaega muqaddar dekh lena

na rakhna wasta tum mujh se lekin
meri hijrat ka manzar dekh lena

tamanna hai agar milne ki mujh se
mujhe mere hi andar dekh lena

makan shishe ka banwate ho 'azar'
bahut aaenge patthar dekh lena

Source: Book : Dhoop Ka Dareecha (Pg. 63)