na.ī zamīn na.e āsmāñ sañvarte raheñ
yahī hai shart to phir harf harf marte raheñ

yahī sazā hai ki lamhoñ kī bāz-gasht ke baad
sadī sadī tire kūche meñ bain karte raheñ

vo inqilāb lakīroñ se jo ubhar na sakā
kahāñ talak usī ḳhāke meñ rañg bharte raheñ

kuchh aur chāhiye dīvāngī ko hadd-e-junūñ
kuchh aur arsa-e-mahshar ki ham guzarte raheñ

koī sadā koī āvāza-e-jaras hī sahī
koī bahāna ki ham jaañ nisār karte raheñ

nai zamin nae aasman sanwarte rahen
yahi hai shart to phir harf harf marte rahen

yahi saza hai ki lamhon ki baz-gasht ke baad
sadi sadi tere kuche mein bain karte rahen

wo inqilab lakiron se jo ubhar na saka
kahan talak usi KHake mein rang bharte rahen

kuchh aur chahiye diwangi ko hadd-e-junun
kuchh aur arsa-e-mahshar ki hum guzarte rahen

koi sada koi aawaza-e-jaras hi sahi
koi bahana ki hum jaan nisar karte rahen