تعارف
اردو لٹریچر ڈاٹ آر گ ایک آنلائن بین الاقوامی برادری ہے جس میں ۱۵۰۰ سے زیادہ شاعروں اور ادیبوں کی تخلیقات شامل ہیں۔ اردولیٹری ڈاٹ آرگ نے ...
درد کا درد سے درماں کرتے
یوں علاج غم جاناں کرتے
ہم اگر فکر گلستاں کرتے
روز دامن کو گریباں کرتے
گھر کی ویرانی سے فرصت نہ ملی
ورنہ ہم سیر بیاباں کرتے
کتنا ارزاں ہے غریبوں کا لہو
آپ تو روز چراغاں کرتے
دل امنڈ آیا تھا بیٹھے بیٹھے
کیسے اندازۂ طوفاں کرتے
دل کا خون آنکھ تک آ ہی جاتا
آپ کچھ ذکر گلستاں کرتے
عمر گزری ہے ہماری احساسؔ
خاطر شام غریباں کرتے
Leave a comment