تعارف
اردو لٹریچر ڈاٹ آر گ ایک آنلائن بین الاقوامی برادری ہے جس میں ۱۵۰۰ سے زیادہ شاعروں اور ادیبوں کی تخلیقات شامل ہیں۔ اردولیٹری ڈاٹ آرگ نے ...
عکس در عکس آئنہ تقسیم
ایک بندے پہ سو خدا تقسیم
چشم در چشم موج موج فرات
روح در روح کربلا تقسیم
انفرادی شکار چہ معنی
چار بازوں میں فاختہ تقسیم
خنجروں پر لہو کی صد آہٹ
سو زبانوں میں ذائقہ تقسیم
خوان لے کر فرشتے اترے تھے
مفلسی کر گئی انا تقسیم
کھولتا کون پاؤں کی بندش
ہر قدم پہ تھا راستہ تقسیم
سانس کرنے کی سوچیے پرویزؔ
اب نہیں ہونے کو ہوا تقسیم
Leave a comment