تعارف
اردو لٹریچر ڈاٹ آر گ ایک آنلائن بین الاقوامی برادری ہے جس میں ۱۵۰۰ سے زیادہ شاعروں اور ادیبوں کی تخلیقات شامل ہیں۔ اردولیٹری ڈاٹ آرگ نے ...
بے نیاز صوت و محروم بیاں رکھا گیا
یعنی حرف شوق کو زیر زباں رکھا گیا
خواب میں رکھی گئی بنیاد شہر آرزو
قید میں برفاب کی شعلہ جواں رکھا گیا
رہنمائی دی گئی ہر موج تند و تیز کو
پانیوں پر ہر سفینے کو رواں رکھا گیا
قدسیوں کو رفعتیں بخشی گئیں فردوس کی
خاک کے پتلے کو زیر آسماں رکھا گیا
دوپہر کی دھوپ میں آصفؔ جلا جاتا ہے جسم
سایۂ اشجار کو جانے کہاں رکھا گیا
Leave a comment