تعارف
اردو لٹریچر ڈاٹ آر گ ایک آنلائن بین الاقوامی برادری ہے جس میں ۱۵۰۰ سے زیادہ شاعروں اور ادیبوں کی تخلیقات شامل ہیں۔ اردولیٹری ڈاٹ آرگ نے ...
تم جو چھالوں کی بات کرتے ہو
کیوں ہمالوں کی بات کرتے ہو
کس کے ہاتھوں میں تھا نہیں پتھر
شام والوں کی بات کرتے ہو
اپنے چہرے پہ پوت کر کالک
تم اجالوں کی بات کرتے ہو
خشک روٹی تو دے نہیں سکتے
تر نوالوں کی بات کرتے ہو
جو نمک ہیں ہمارے زخموں پر
ان حوالوں کی بات کرتے ہو
چھین کر ہم سے جرأت اظہار
اب سوالوں کی بات کرتے ہو
جسم جن کے ہیں بوجھ روحوں پر
ان جیالوں کی بات کرتے ہو
Leave a comment