har ek gaam pe had har qadam dar-o-dīvār
fazā-e-shahr banī besh-o-kam dar-o-dīvār
yahī the sahn-e-fazā aur yahī ghar āñgan thā
tum aa.e ho to hue muhtsham dar-o-dīvār
ham apne dard havāoñ se bhī nahīñ kahte
uThā.e phirte haiñ ḳhud apne ġham dar-o-dīvār
ye reg-zār hai aur is kī apnī duniyā hai
yahāñ hamesha rahe kam se kam dar-o-dīvār
havā vatan kī palaT aa.ī bādbān ke saath
vahī yahāñ bhī fazā āshram dar-o-dīvār
nazar ke aage nahīñ par nazar meñ zinda haiñ
schōl baste gharauñde qalam dar-o-dīvār
ga.e jahāñ bhī vahīñ shahr bas gayā 'ehsān'
azal se apne rahe ham-qadam dar-o-dīvār
har ek gam pe had har qadam dar-o-diwar
faza-e-shahr bani besh-o-kam dar-o-diwar
yahi the sahn-e-faza aur yahi ghar aangan tha
tum aae ho to hue muhtsham dar-o-diwar
hum apne dard hawaon se bhi nahin kahte
uThae phirte hain KHud apne gham dar-o-diwar
ye reg-zar hai aur is ki apni duniya hai
yahan hamesha rahe kam se kam dar-o-diwar
hawa watan ki palaT aai baadban ke sath
wahi yahan bhi faza aashram dar-o-diwar
nazar ke aage nahin par nazar mein zinda hain
school baste gharaunde qalam dar-o-diwar
gae jahan bhi wahin shahr bas gaya 'ehsan'
azal se apne rahe ham-qadam dar-o-diwar
Source: Book : Muntakhab Gazle.n (Pg. 16) Author : Nasir Zaidi Publication : Zahid Malik (1983) Edition : 1983
Leave a comment