apne ḳhalā meñ lā ki ye tum ko dikhā rahā huuñ maiñ
vo jo ḳhalā-navard haiñ un ke liye ḳhalā huuñ maiñ

ishq huā nahīñ mujhe ishq ko ho gayā huuñ maiñ
utnā nahīñ bachā huā jitnā paḌā huā huuñ maiñ

ban to gayā huuñ kūza-gar ghuum ke tere chaak par
jaisā banā rahā thā tū vaisā nahīñ banā huuñ maiñ

miTTī yahāñ kī Thiik hai miTTī se kuchh gilā nahīñ
āñkheñ milā milā ke bas paanī badal rahā huuñ maiñ

bhes diye kā dhaar kar terī duā sañvār kar
biich meñ tāqcha hai aur donoñ taraf khaḌā huuñ maiñ

ruuh milī hai yā nahīñ itnā maiñ jāntā nahīñ
tere se ek jism ko pahle bhī mil chukā huuñ maiñ

baara baje ke ba.ad ik din ko nikālte hue
dekhā to jā chukā huuñ par pakḌā nahīñ gayā huuñ maiñ

apne KHala mein la ki ye tum ko dikha raha hun main
wo jo KHala-naward hain un ke liye KHala hun main

ishq hua nahin mujhe ishq ko ho gaya hun main
utna nahin bacha hua jitna paDa hua hun main

ban to gaya hun kuza-gar ghum ke tere chaak par
jaisa bana raha tha tu waisa nahin bana hun main

miTTi yahan ki Thik hai miTTi se kuchh gila nahin
aankhen mila mila ke bas pani badal raha hun main

bhes diye ka dhaar kar teri dua sanwar kar
bich mein taqcha hai aur donon taraf khaDa hun main

ruh mili hai ya nahin itna main jaanta nahin
tere se ek jism ko pahle bhi mil chuka hun main

bara baje ke baad ek din ko nikalte hue
dekha to ja chuka hun par pakDa nahin gaya hun main

Source: Intikhab-e-wajid ali shah akhtar