vāhima iztirāb kī chaukhaT
be-yaqīnī sarāb kī chaukhaT
abtarī āstāna-e-vahshat
rā.egānī azaab kī chaukhaT
surma.ī shaam ke gharauñde meñ
ye shafaq māhtāb kī chaukhaT
is kitāb-e-dar-e-tamannā par
hai tire intisāb kī chaukhaT
aks hai zau-fishāniyoñ kā mahl
aa.ina āb-o-tāb kī chaukhaT
ḳhvāhishoñ kī ġhulām-gardish meñ
tishnagī bāryāb kī chaukhaT
wahima iztirab ki chaukhaT
be-yaqini sarab ki chaukhaT
abtari aastana-e-wahshat
raegani azab ki chaukhaT
surmai sham ke gharaunde mein
ye shafaq mahtab ki chaukhaT
is kitab-e-dar-e-tamanna par
hai tere intisab ki chaukhaT
aks hai zau-fishaniyon ka mahl
aaina aab-o-tab ki chaukhaT
KHwahishon ki ghulam-gardish mein
tishnagi baryab ki chaukhaT
Leave a comment