aaj dil be-qarār hai merā
kis ke pahlū meñ yaar hai merā

kyuuñ na ushshāq par ho.uuñ mansūr
juuñ sipand āh-dār hai merā

be-qarār us kā hūñgā hashr meñ bhī
yahī us se qarār hai merā

rañg-e-zard aur sarishk-e-surḳh to dekh
kyā ḳhizāñ meñ bahār hai merā

mere qātil ke kaf hinā.ī nahīñ
musht-ḳhūñ yādgār hai merā

khol kar qabr dekh mashq-e-junūñ
ki kafan taar taar hai merā

aate jaate magar tū Thukrāve
tere dar par mazār hai merā

aañkh mūñde hai merī ḳhaak se bhī
yaañ tak us ko ġhubār hai merā

jiite raho kyuuñ hue raqīb ke haar
yahī siine meñ ḳhaar hai merā

tere kūche ke sag kī pā-bosī
bā.is-e-iftiḳhār hai merā

banda-e-yār 'uzlat'-e-marhūm
naqsh-e-lauh-e-mazār hai merā

aaj dil be-qarar hai mera
kis ke pahlu mein yar hai mera

kyun na ushshaq par houn mansur
jun sipand aah-dar hai mera

be-qarar us ka hunga hashr mein bhi
yahi us se qarar hai mera

rang-e-zard aur sarishk-e-surKH to dekh
kya KHizan mein bahaar hai mera

mere qatil ke kaf hinai nahin
musht-KHun yaadgar hai mera

khol kar qabr dekh mashq-e-junun
ki kafan tar tar hai mera

aate jate magar tu Thukrawe
tere dar par mazar hai mera

aankh munde hai meri KHak se bhi
yan tak us ko ghubar hai mera

jite raho kyun hue raqib ke haar
yahi sine mein KHar hai mera

tere kuche ke sag ki pa-bosi
bais-e-iftiKHar hai mera

banda-e-yar 'uzlat'-e-marhum
naqsh-e-lauh-e-mazar hai mera

RECITATIONS Fasih Akmal



00:00/00:00 aaj dil be-qarar hai mera Fasih Akmal