kaise badal rahe ho batātā nahīñ hai kyā
ā.īna koī tum ko dikhātā nahīñ hai kyā
ḳhalq-e-ḳhudā kā ḳhauf to dil meñ nahīñ rahā
tum ko ḳhudā kā ḳhauf bhī aatā nahīñ hai kyā
tārīk lag rahī hai hai shab-e-māhtāb bhī
koī yahāñ charāġh jalātā nahīñ hai kyā
bāshindagān-e-shahr sabhī mahv-e-ḳhvāb haiñ
in ko tilsim-e-shab bhī jagātā nahīñ hai kyā
kaise badal rahe ho batata nahin hai kya
aaina koi tum ko dikhata nahin hai kya
KHalq-e-KHuda ka KHauf to dil mein nahin raha
tum ko KHuda ka KHauf bhi aata nahin hai kya
tarik lag rahi hai hai shab-e-mahtab bhi
koi yahan charagh jalata nahin hai kya
bashindagan-e-shahr sabhi mahw-e-KHwab hain
in ko tilsim-e-shab bhi jagata nahin hai kya
RECITATIONS
Obaid Siddiqi
00:00/00:00
kaise badal rahe ho batata nahin hai kya
Obaid Siddiqi
Source: Book : Kashkol (Pg. 112) Author : Tahir Faraz Publication : Isteara Publications (2004) Edition : 2004
Leave a comment