māzī! tujh se ''hāl'' mirā sharminda hai
mujh se achchhā aaj mirā kārinda hai
kaisā insāñ taras rahā hai jiine ko
kaise sāhil par ik machhlī zinda hai
us ke pīchhe us se baḌh kar ik insān
aage aage ik ḳhūñ-ḳhvār darinda hai
jaise koī kaaT rahā hai jaal mirā
jaise uḌne vaalā koī parinda hai
nau-e-bashar kā vahshī-pan jab yaad karo
ye mat bhūlo jañgal kā bāshinda hai
bujhte bujhte de jaatā hai koī shah
ḳhākistar se chiñgārī sharminda hai
tumheñ agar āsār dikhā.ī dete hoñ
dekho kyā hone vaalā ā.inda hai
mazi! tujh se haal mera sharminda hai
mujh se achchha aaj mera karinda hai
kaisa insan taras raha hai jine ko
kaise sahil par ek machhli zinda hai
us ke pichhe us se baDh kar ek insan
aage aage ek KHun-KHwar darinda hai
jaise koi kaT raha hai jal mera
jaise uDne wala koi parinda hai
nau-e-bashar ka wahshi-pan jab yaad karo
ye mat bhulo jangal ka bashinda hai
bujhte bujhte de jata hai koi shah
KHakistar se chingari sharminda hai
tumhein agar aasar dikhai dete hon
dekho kya hone wala aainda hai
Source: Funoon(Jadeed Ghazal Number: Volume-002)
Leave a comment